Ekspertët e privatësisë kanë filluar të ndezin alarmin rreth një legjislacioni të propozuar në Mbretërinë e Bashkuar i cili do të bëjë të mundur që të dhënat e personave të cilët ndërrojnë jetë të aksesohen nga njerëzit e tyre më të afërt.
Për momentin, kompani të mëdha si Facebook apo Apple i ofrojnë pjesëtarëve të familjes akses në këto të dhëna pasi një anëtar i tyre ka ndërruar jetë por kufizojnë të dhënat që mund të lexojnë ose kërkojnë një vendim gjykate. Nëse një iPhone është i kyçur dhe pronari që nuk jeton më nuk ka lënë një “legacy contact” në adresën e tij në iCloud, është shumë e vëshitrë të sigurosht të dhënat e tij.
Ky projektligj propozon ofrimin e aksesit në arkivat dixhitale të një personi të vdekur për pasardhësit e tij pa patur nevojën për të shkuar në gjykatë. Këtu përfshihen gjithashtu dhe të gjitha produktet e blera online si librat, muzika, televizioni apo fotografitë, email-et dhe mesazhet.
Mirëpo dorëzimi i gjithë këtij informacioni, sipas ekspertes Elina Harbinja, është një tejkalim i normave të lejuara. “Nëse ju aksesoni këtë pajisje, imagjinoni se çfarë bisedash private mund të zbulohen. Kjo është tërësisht e papranueshme.” tha Harbinja.
