Netfix ka update-uar udhëzimet kulturale të kompanisë për herë të parë që nga viti 2017 për të përfshirë një seksion të ri ku lajmërohet se punonjësit mund t’iu duhet të punojnë në përmbajtje që ndoshta nuk përshtaten me vlerat apo opinionet e tyre personale.
“Jo çdokush do të pëlqejë – ose do të bie dakord – me gjithçka që ne bëjmë në këtë shërbim. Ne lejojmë përdoruesit të vendosin se çfarë është e përshtatshme për to. Në varësi të rolit tuaj në këtë kompani, ju mund të punoni në projekte që mendoni se janë të dëmshme. Nëse ju nuk arrini dot të suportoni përmbajtjet që po krijojmë, Netflix mund të mos jetë vendi i duhur për ju.” shkruajnë drejtuesit e Netflix në udhëzimet e saj.
Kjo lëvizje vjen pas një 3 mujori tepër të vështirë për kompaninë, ku u regjistrua një humbje historike e personave të abonuar (rreth 200,000) dhe pritet që ky numër të rritet deri në 2 milionë gjatë këtij viti. Kompania tregon se kjo gjë ka ndodhur për shkak të luftës në Ukrainë, rritjes së konkurencës, shpërndarjes së passëord-it mes miqsh dhe faktorëve të tjerë makroekonomikë.
Gjithashtu kompania u përball me shumë kritika që vinin nga vetë punonjësit, të cilët protestuan kundër standup-it “The Closer” të Dave Chapelle, ku ai bën komente transfobike.
