Seriali shumë i suksesshëm i Netflix, Squid Game, flet për disa njerëz të cilët rrezikojnë jetën e tyre, shpesh herë duke vrarë njëri-tjetrin për të fituar para të mjaftueshme që do t’i japin fund borxheve të tyre. Tashmë Netflix ka në plan të zhvillojë një lojë reale të ngjashme me atë në serial (normalisht pa vrasje).
Squid Game: The Challenge do të ftojë 456 lojtarë nga e gjithë bota që të sfidojnë me njëri tjetrin për të fituar një çmim prej $4.56 milionë, të cilat do të fitohen nga një person i vetëm.
Dhe pse kompania ka prezantuar një video promocionale rreth këtij game-show, nuk dihet ende se cilat do të jenë sfidat me të cilat do të hasen lojtarët në Squid Game: The Challenge. Në një deklaratë për shtyp, zëvëndës presidenti Brandon Reigg uroi krijuesin Hwang Dong-hyuk dhe citoi suksesin botëror të këtij seriali si një nga arsyet se përse Netflix vendosi të krijonte një version real të Squid Game, ku njerëz të ndryshëm mund të marrin pjesë.
“Ne jemi tepër të gëzuar për mbështetjen që Hëang Dong-hyuk ofroi për kthimin e kësaj bote imagjinare në realitet. Fansat e serialit duhet të përgatiten për një udhëtim të paparashikueshëm ndërkohë që 456 pjesëmarrësit do të marrin pjesë në kompeticionin më të madh në botë, plot tension dhe me çmimin më të madh cash të dhënë ndonjëherë.” tha Reigg.
Nëse ju flisni anglisht, mund të aplikoni në faqjen zyrtare të rekrutimit.
