Në Suedi do të ndërtohet një qytet i tërë prej druri në vitin 2027

Me sa duket një kompani në Suedi mendon se mund të ndërtojë një qytet të tërë duke përdorur si material ndërtimi vetëm drurin.

Atrium Ljungberg ka prezantuar para disa ditësh planet për të ndërtuar “Stockholm Wood City” pranë Stockholm duke nisur nga viti 2025, dhe ndërtesat e para besohet se do të kenë përfunduar instalimin në vitin 2027.

“Ky është një projekt ambicioz dhe kompania ka si qëllim të ridefinojë jetesën urbane përmes qëndrueshmërisë, inovacionit dhe estetikës.” shkruan kompania në një deklaratë për shtyp.

Përdorimi i drurit si material ndërtimi është shumë më i rëndësishëm për qytetet, pasi emëtohen shumë më pak gaze karbonike në atmosferë se çeliku apo betoni. Gjithashtu ky material nuk digjet, një element shumë i rëndësishëm për sa kohë flakët në pyje po shtohen gjithnjë e më shpesh për shkak të ndryshimeve klimatike.

Ky qytet do të shtrihet në një zonë prej 250,000 metra katror si dhe do të ketë 7,000 zyra dhe 2,000 shtëpi në Sickla. Arsyeja kryesore se përse në këtë qytet do të ketë kaq shumë zyra është sepse brenda në qytetin e Stockholm ka një mungesë të hapësirave për zyra. Në këtë zonë do të jenë dhe të pranishme restorante apo dyqane të ndryshme.

Ndërtimi është përgjegjës për 40% të emëtimeve të CO₂ në botë. Për këtë arsye, Komisioni Evropian lançoi një iniciativë të re në 2020 për të ndërlidhur European Green Deal me hapësirat e banimit.