NASA ka treguar se po konsideron studimin e seksit në hapësirë, si një nevojë gjatë misioneve të gjata në Hënë apo në Mars, të cilët mund t’i mbajnë larg astronautët nga Toka për disa vite. Kjo gjë u tregua si një përgjigje ndaj propozimit nga një ekip me 5 akademikë nga Kanadaja, të cilët kërkuan nga organizata të kryejnë studime të reja mbi këtë temë.
NASA ka shmangur prej kohësh pyetjet në lidhje me seksin midis astronautëve, duke insistuar kategorikisht se “asnjë human nuk ka kryer marrëdhënie seksuale në hapësirë.”. Deri më tani personat që udhëtonin drejt hapësirës kanë qenë vetëm astronautë profesionistë, mirëpo me zhvillimet më të fundit po bëhet e mundur që dhe njerëzit e thjeshtë të fluturojnë drejt hapësirës.
Një zëdhënës i NASA tha se shqetësimi i tyre kryesor është sigurimi i shëndetit dhe sigurisë së ekipit në bord për periudha të gjata kohore. “Nëse në të ardhmen do të nevojiten më tepër studime në lidhje me shëndetin riprodhues në hapësirë, NASA do të ndërmarrë hapat e duhura.”
Një udhëtim drejt Marsit mund të marrë 7 deri në 9 muaj kohë për secilën rrugë, ndërkohë që do të jetohet për më tepër se 1 vit në sipërfaqjen e Planetit të Kuq. Pra, është e mundur që astronautët të lindin një fëmijë në hapësirë.
