MVRDV ka nisur ndërtimin e Ndërtesës së Skëndërbeut, të njohur zyrtarisht si Shkëmbi i Tiranës, e cila është dizenjuar sipas formës së fytyrës së heroit kombëtar të Shqipërisë, Skëndërbeut. Kjo ndërtesë do të jetë e plotësuar me disa ballkone që do të krijojnë formën e fytyrës së Skëndërbeut. Kur kjo ndërtesë të përfundojë, do të jetë një ndër ndërtesat më të mëdha që shërben gjithashtu dhe si një skulpturë figurative dhe i jep Tiranës një identitet unik.
Ndërtesa do të jetë e lartë 85 metra dhe do të lokalizohet pranë sheshit Skënderbej, pas Tirana International Hotel. “Shpatullat” e Skënderbeut korrespondojnë me pjesën më të gjërë të ndërtesës, e cila e ka kokën të rrotulluar në drejtim të sheshit. Për të formuar detajet e fytyrës si hunda, veshët dhe mjekra do të përdoren ballkonet me formë të çrregullt.
Përveç funksionit estetik, kjo ndërtesë ofron gjithashtu apartamente banimi në një ndër zonat më të dëshiruara të kryeqytetit. Çdo ballkon do të jetë i ndërprerë me bimë të ndryshme, që do të krijojnë një pamje mjaft të mirë të ndërtesës.
Për shkak të ballkoneve të mëdha, ndërtesa është e mbrojtur nga ekspozimi i shumtë i diellit, dhe forma e veçantë mundëson ventilimin natyral të ndërtesës. Sistemet e grumbullimit së ujit të shiut dhe izolimi i mirë bëjnë që të ulet gjithashtu nevoja për ujë dhe energji elektrike.
Për të bërë akoma më të dukshme formën e fytyrës së Skënderbeut gjatë natës, do të ndihmojë sistemi i ndriçimit tepër i veçantë.
Për më tepër shikoni fotografitë e listuara më poshtë.
