Microsoft po përgatitet për të lajmëruar punonjësit e kompanisë që pritet të largohen së shpejti. Sky News raporton se me mijëra vende pune do të shkurtohen në ktë kompani, pasi gjigandi i teknologjisë do të ulë me 5% fuqinë punëtore.
Ndërkohë që Microsoft ka rreth 220,000 të punësuar, kjo gjë mund të nënkutpojë se do të jenë rreth 10,000 punonjës që do të humbasin vendin e tyre të punës.
Nuk dihet ende koha e saktë se kur një lajm i tillë do të bëhet publik zyrtarisht, por besohet se me shumë mundësi kjo gjë do të ndodhë gjatë kësaj jave. Microsoft është kompania e rradhës ndër kompanitë më të mëdha në botë që detyrohet të ulë numrin e fuqisë punëtore për shkak të sfidave ekonomike që i paraqiten.
Shumë ekipe në stafin e kompanisë e kishin ndaluar prej kohësh proçesin e punësimit të punonjësve të rinj, dhe Microsoft parashikon se do të duhen 1-2 vite për t’u rikthyer në gjendjen e mëparshme.
Në tetor, Microsoft largoi dhe 1,000 punonjës të tjerë nga divizionet e Xbox, Microsoft Strategic Missions dhe organizatat e teknologjisë.
