CEO i Meta, Mark Zuckerberg, iu drejtua stafit përmes një sesioni Q&A duke treguar se ai po planifikon te rrisë objektivat e performancës për punonjësit ndërkohë që rritja e kompanisë po ngadalësohet dita-ditës.
“Nëse do më duhej të vija një bast, atëherë do të thoja se kjo periudhe mund të jetë një ndër periudhat më të këqija që kemi parë në kohët e fundit.” tha Mark Zuckerberg gjatë një bisede me stafin.
Meta ka filluar që tani të “shtrëngojë rripin”, duke pakësuar numrin e punonjësve në Facebook pasi ka patur një rritje më të ngadaltë të përfitimeve se ç’pritej. Raportohet se Zucckerberg i tha stafit ditën e enjte se kompania do të vendosë obkjektiva më agresive për punonjësit, me qëllim pushimin e personave që nuk i arrijnë këto objektiva.
“Realisht, në kompani gjenden disa persona të cilët nuk duhet të jenë këtu” shtoi Zuckerberg. ”Unë shpresoj që me rritjen e objektivave të bëhet dhe një seleksionim vetjak, për të gjithë personat të cilët besojnë se Meta nuk është vendi i tyre i duhur, dhe unë jam shumë dakord me këtë vetë-seleksionim”
Reuters raporton se Meta ka reduktuar gjithashtu dhe numrin e inxhinierëve që pritet të punësohen në vijim nga 10,000 në vetëm 6,000-7,000.
