Lionel Messi ka menduar të falenderojë të gjithë kolegët e tij në ekipin kombëtar të Argjentinës së bashku me stafin për fitimin e Kupës së Botës duke iu dhuruar atyre 35 iPhone të personalizuar të larë me ar.
Messi shënoi 2 gola në finalen kundër Francës duke ndihmuar ekipin e tij të triumfonte në Kupën e Botës të zhvilluar në Katar. Vetëm para pak ditësh ai fitoi dhe çmimin si lojtari më i mirë në botë nga FIFA The Best.
Secili iPhone që Messi i dhuroi stafit të Argjentinës përmban ar 24 karat, ndërkohë që në pjesën e pasme gjendet i shkruar numri dhe emri i secilit prej lojtarëve në ekipin kombëtar. Ky dizajn është përzgjedhur nga vetë Messi, i cili zgjodhi të bashkëpunonte me kompaninë iDesign Gold.
CEO i iDesign Gold, Ben Lyons, tregoi më pas se “Leo Messi jo vetëm që është lojtari më i mirë i të gjitha kohrave, por është gjithashtu klienti më besnik i kompanisë”. Lyons shtoi se u kontaktua nga Messi për kryerjen e këtij bashkëpunimi disa muaj pas fitimit të Kupës së Botës.
“Ai tha se dëshironte një dhuratë speciale për të festuar këtë fitore të madhe, por nuk dëshironte që të dhuronte ora si zakonisht. Prandaj, unë i sugjerova idenë që iPhone-t të kenë emrin e gdhendur nga pas, dhe ai e pëlqeu këtë ide.” tregoi Lyons.
