Kozmonautët rusë u lançuan nga Toka ditën e premte në mëngjes drejt International Space Station (ISS) dhe dolën nga raketa Soyuz 3 orë më vonë duke veshur kostume me ngjyrë të verdhë dhe blu, të cilat janë dhe ngjyrat e flamurit të Ukrainës.
Në një transmetim të drejtëpërdrejtë nga Rocosmos mund të shihen 3 kozmonautët Oleg Artemyev, Denis Matveyev dhe Sergey Korsakov që futen në ISS duke qëndruar pezull në hapësirën pa gravitet dhe duke përqafuar astronautët që gjendeshin në orbitë.
Pasi mbërritën në stacionin hapësinor, 3-shja e astronautëve kryen telefonata me anëtarët e familjes për t’i lajmëruar se misioni shkoi mirë. Kur u pyetën nga një telefonues mbi ngjyrën e kostumit, Artemyev tregoi se ekipi kishte të drejtën të zgjidhte ngjyra nga ato që ishin në stok.
“Ne kishim shumë material të verdhë, dhe kështu menduam që ta përdornim. Prandaj ne kemi veshur ngjyrën e verdhë.” shpjegoi Artemyev. Gjithashtu forcat hapësinore ruse mohuan se ngjyrat ishin përdorur për të reflektuar flamurin e Ukrainës. Ato thanë se dizajni i uniformës u bë në nder të Bauman Moscow State Technical University, vendi ku kozmonautët kanë studiuar.
It is actually plausible that the ‘Ukrainian’ color flight suits are in fact “Bauman University” color suits. They made a big deal of this being the first all-Bauman crew. (BMGTU is sort of Moscow’s MIT AeroAstro and many Russian astronauts are graduates) https://t.co/9yPLgwtYHv
— Jonathan McDowell (@planet4589) March 18, 2022
“Ndonjëherë e verdha është thjesht e verdhë.” shkruajti Rocosmos në Telegram.
Udhëtimi drejt ISS vjen në një kohë ku tensionet midis SHBA dhe Rusisë po rriten. Dimitry Rogozin, drejtues i Rocosmos kërcënoi më herët se do të ndërprente prodhimin e motorëve për raketat që fluturojnë drejt ISS me furnizime për ekipin.
