Shqipëria do të jetë shteti i 37 në të cilin Ryanair do të jetë i pranishëm, duke rritur kështu numrin e pasagjerëve që fluturojnë përmes kësaj linje në 300 milionë në total deri në vitin 2034.
Kjo kompani do të jetë e pranishme në katin e dytë të aeroportit “Nënë Tereza” në Rinas dhe do të ofrojë për të gjithë qytetarët fluturime low-cost në shumë vende të ndryshme. Për sa i përket çmimeve të lira të fluturimit, Ryanair do të jetë një rival i drejtpërdrejtë i Wizz Air, një kompani e cila ka zhgënjyer shumë nga klientët që kanë zgjdhur të fluturojnë me këtë linjë ajrore.
Problemet me Wizz Air fillojnë që nga nisja e fluturimeve pas shumë orësh me vonesë dhe mosdhënia e dëmshpërblimeve kundrejt klientëve të cilëve iu është anuluar fluturimi.
Nga Tirana, CEO i Ryanair, Eddie Wilson tha: “Si linja ajrore më e madhe në Evropë, ne kemi kënaqësinë të njoftojmë 200 fluturime javore të Ryanair drejt/nga Shqipëria duke filluar nga dimri ’23. Këto 17 rrugë të reja fillestare do të ofrojnë akses të menjëhershëm në tregjet kyçe të turizmit hyrës si Belgjika, Republika Çeke, Franca, Gjermania, Italia, Polonia, Rumania, Suedia dhe Britania e Madhe, ndërkohë që ofrojnë gjithashtu tarifa konkurruese për shqiptarët që duan të vizitojnë miqtë dhe familjen e tyre.”
Duke nisur nga data 31 tetor Ryanair do të nisë fluturimet me 17 linja. Për shkak se kërkesa është shumë e lartë për fluturime nga Italia, kompania ka vendosur në dispozicion 6 linja për fluturime drejt qyteteve të ndryshme të Italisë.
Për të festuar këtë njoftim, Ryanair do të nisë një shitjen e biletave në linjat e saj të reja për në/nga Aeroporti i Tiranës për €29,99 nga 23 tetori deri në 24 mars, të cilat duhet të rezervohen deri më 11 qershor, vetëm në Ryanair.com.
Për Italinë
Bolonja: Një udhëtim në ditë nga 31 tetori
Katania: Një udhëtim në ditë nga 31 tetori
Bergamo: Dy fluturime në ditë nga 31 tetori
Pisa: Një fluturim në ditë nga 31 tetori
Romë: Nëntë fluturime javore nga 31 tetori, duke përfshirë fluturime të dyfishta të premten dhe të dielën
Treviso: Një fluturim në ditë nga 31 tetori
Belgjikë
Chaleroi çdo ditë nga 31 tetori
Rumani:
Bukuresht të martën, të enjten, të dielën nga 31 tetori
Poloni
Varshava nga 31 tetori të martën, të enjten, të shtunën
Krakov të martën, të enjten, të dielën nga 31 tetori
Gjermani
Weeze nga 1 nëntori të mërkurën dhe të dielën
Skoci
Edinburg nga 31 tetori të martën dhe të shtunën
Britani e Madhe
London Stansted nga 31 tetori dy herë në ditë
Manchester nga 31 tetori të martën, të enjten, të shtunën
Francë
Beauvais nga 31 tetori nga e marta deri të shtunën
Republika Çeke
Praga nga 31 tetori të martën dhe të shtunën
Suedi
Stokholm nga 31 tetori të martën dhe të shtunën
