Vit goxha i mbarë për konspiracionistët, të cilët mesa duket krahas qëllimit për të hapur sytë e njerzve po hapin edhe ca portofola rrugës.
Një skemë e pastër mashtrimi po ofron USB anti-5G në këmbim të çmimve deri në $350.
Nën emrin 5GBioShield USB-ja ka dalë në shitje në Mbretërinë e Bashkuar për £280 dhe £330 dhe premton se do të përdorë “teknologji katalizimi kuantik holografik” për të të mbrojtur nga valët vdekjeprurëse të 5G.
Një firmë sigurimi e cila u bë kurioze për ta parë nga më afër aparatin vendosi ta blejë dhe kur e hapën panë që flashi nuk ka asgjë tjetër më tepër sesa një qark me memorie 120MB e cila në total nuk vlen më shumë se $6.
Pas një periudhe instabiliteti social kur shohim jetë që shuhen si pa të keq, një produkt i tillë smund të ëndërronte për treg më të mirë. Kujtojmë këtu lidhjet që janë bërë së fundmi nga teoritë konspirative per Covid-19 dhe 5G si shkaktare por edhe si transmetuese.
Të kontaktuar nga BBC News web-i i cili e tregton produktin tregohet mjaft i bindur në legjitmitetin e tij teksa deklaron se “ata janë në pronësi të një sasie të madhe informacioni teknik, të mbështetur nga studime historike. Dhe sa i përket analizës së çmimit, mungesa e informacioneve më në thellësi nuk do tju japë shifrat e sakta të kostove tona të shpenzimeve dhe produksionit, përfshi edhe koston e pronës intelektuale.”
Me pak fjalë kurseni lekët se është edhe periudhë post-pandemie.
