Një grua që thotë se ka punuar si një shërbyese në shtëpinë e Jeff Bezos ka vendosur ta padisë atë dhe kompanitë që ai menaxhojnë pasuritë e tij, duke thënë se ajo u përball me “kushte punë jo të sigurta dhe jo të shëndetshme”. Gjithashtu ajo përmendi se ishte viktimë e diskriminimit racor nga pjesa tjetër e stafit.
Mercedes Wedaa tha se ajo u punësua nga stafi i Bezos në 2019 për të ndihmuar në mirëmbajtjen e shtëpisë së miliarderit në Seattle. Wedaa dhe stafi tjetër i shërbyesve punonte 10-14 orë në ditë, dhe nuk kishte pushime të mjaftueshme gjatë ditës, sipas dokumentave të bëra publike në gjykatë.
Në padi tregohet se nuk kishte një dhomë të veçantë ku stafi mund të pushtonte, si dhe asnjë banjo lehtësisht të aksesueshme. Wedaa dhe shërbyeset e tjera e kishin të ndaluar të përdornin banjon që ishte pranë dhomës së sigurisë, dhe kjo gjë i detyroi ata të ngjiteshin mbi dhomën e lavanderisë për të përdorur banjon.
Ankesa e shtruar nga Wedaa është dhe se shërbyeset janë diagnostikuar shpesh herë me infeksione urinare për shkak të këtyre kushteve, pasi ato “duhet të kalonin një pjesë të mirë të ditës pa shkuar në tualet”.
Këto shërbyese e kishin gjithashtu të ndaluar të futeshin në shtëpinë e Bezos në rast se familja e tij ndodhej aty, përveç rasteve kur pastronin.
