Mesa duket qenka e vërtetë që arti nuk t’i paguan gjithmonë faturat. Duke vazhduar njëkohësisht me karrierat e tyre respektive Will Smith dhe Jason Derulo prej kohësh i janë dedikuar Instagramit e rrjeteve sociale duke gjeneruar kontent të dedikuar.
Teksa djemtë kanë qenë duke luajtur golf, ose të paktën duke u përpjekur, Will i mëson Jason si të godasë topin, një moment të shkurtër përpara se fillestari të provojë mjeshtri futet të korigjojë diçka dhe pikërisht aty ha një shkop golfi turinjve.
Me tu kthyer nga kamera shohim dhëmbet e përparëm të Willit tashmë të thyer.
Qartazi kjo është vetëm një shaka e madhe, dhëmbët e tij janë krejt në rregull, kemi të bëjmë me një përsëritje të asaj çka para pak javësh u bë sensacion. Dalja e parë në TikTok e Jason Derulo ishte një video ku ai thyente dhëmbët e tij. Nëse për të parën ishim skeptikë dhe mosbesues, tek e dyta e kemi kuptuar që këto video duhen marrë me shaka.
Epo, si duket grafisti i Derulo do t’i ketë bërë ndonjë skonto të mirë në kategorinë e dhëmbëve të thyer.
