Pas lajmit se raketa e SpaceX me astronautët e NASA u nis me sukses le të flasim për të ardhmen.
Dy veteranët e misionit të sotëm nuk do të shkojnë më larg se sa Stacioni Hapësinor Internacional, por sigurisht që toka e re e premtuar e njerëzimit është Marsi.
Në një video të publikuar nga NASA një koncept fantastik shpjegon si do të fillojë jetesa nga zero në Mars.
Zyra e design-it Hassell ka prezantuar një proçes mjaft të mirëmenduar të ndërtesave Marsiane, duke shfrytëzuar robotët modularë të cilët mund të bëjnë funksione të ndryshme në grup ose më vete.
Robotët smart do të kenë një program të qartë, disa do të gërmojnë, disa do të mbledhin pluhurin dhe do të printojnë 3D pjesën e jashtme të ndërtesës bazë.
Me të mbaruar ky proçes, dërgesa e dytë do të mbërrijë në planet, robotët modularë do të sjellin kapsulat të cilat me tu vendosur brenda bazës do të fryhen, do të lidhen me njera tjetrën për të krijuar një ambient të izoluar, të mbrojtur nga radiacioni, të aftë për të përballuar çdo kërkesë humane, me të gjithë nivelin e sigurisë dhe emergjencave.
Me të stabilizuar këtë bazë, laboratoret do të fillojnë studimin në terren dhe baza të tjera do të ndërtohen shumë më shpejtë.
Dhe pasi SpaceX të ketë marrë liçensën e transportit Tokë – Mars – Tokë, kolonizimi merr fill.
