Ndër sendet më të kërkuara në ditë të tilla janë maskat, dizinfektantët e duarve dhe dorezat, ka madje edhe nga ato që kushtojnë $4,995 (lexo këtu) 

U.S.A dhe Austalia po mbyllen në karantinë dhe të gjithë po mundohen të stivosin nëpër rafte sa më shumë mallra të jetë e mundur, dhe mesa duket letra higjenike qënka ndër gjërat më esenciale. Ndaj edhe shohim në video skandaloze se si njerzia po kacafyten me njëri tjetrin kush të marrë një pako më shumë.

Po përse po zihen njerëzit për letra higjenike, cili është problemi? Mund të mos e kuptojme dhe të na duket e çuditshme pasi shumë vende të Evropës kemi një ndër shpikjet më të dobishme të njerëzimit: Bidenë!

Bideja është prezantuar tek amerikanët gjatë luftës së dytë botërore. Ushtarët vinin në Evropë dhe në shtëpitë publike shihnin bidenë por duke qënë se kjo i jepte një konotacion seksual dhe jo të pastër asnjëherë nuk u bë pjesë e shtëpive amerikane.

A do të mjaftonte një krizë si kjo që amerika të fillojë të civilizohet pak më tepër?
Mesa duket po.
90% e prodhimit të letrave higjenike ndodh brenda vendit dhe proçesi në vetvete nuk është i komplikuar por sidoqoftë në kushte të tilla çdo industri do të kishte vështirësi.
Në ditët e fundit duket se kërkesa për bide është shumfishuar goxha, kërkesa më e lartë shkon për aparate të thjeshta të cilat mund të montohen menjëherë tek banja ekzistuese.

Një zgjidhje shumë herë më higjenike por edhe ekologjike, më pak fabrika prodhimi, më pak mbetje për tu proçesuar.

Mund të kemi pafund probleme, por të paktën nuk do të shohim kurrë shqiptarët që zihen me grushta për një pako letra higjenike, gjithë këto vite vështirësi na kanë mësuar shumë, që nga radha e qumshtit deri tek larja me kanaçe.