May 28, 2022

Pajisjet teknologjike dhe aplikacionet e shëndetit ndihmojnë më tepër personat e pasur

Pajisjet teknologjike dhe aplikacionet e shëndetit ndihmojnë më tepër personat e pasur

Një analizë e re ka zbuluar se mjetet dixhitale si mesazhet motivuese që tentojnë t’ju nxisin të bëni më tepër aktivitet fizik nuk janë shumë efektive për personat e varfër.

Në këtë analizë u përpiluan 19 studime që testonin nëse shërbimet si mesazhet, njoftimet në web ose orat smart mund të nxisnin njerëzit të rrisnin nivelet e aktivitetit fizik. Në të gjitha studimet u vu re se këto mjete të përdorura nuk ishin efektive tek personat me një status socio-ekonomik të ulët, ndërkohë që për personat me një status më të lartë ndodhte e kundërta.

Ky zbulim nxit argumentet se ndërhyrjet dixhitale po ndihmojnë në krijimin e ndasive në shëndetin midis grupeve të ndryshme dhe se ato janë dizenjuar për personat më të edukuar dhe më të pasur.

Autorët e kësaj analize mendojnë se janë disa arsyet që krijojnë këtë fenomen. Personat me një status socio-ekonomik më të ulët zakonisht kanë njohuri më të pakta mbi përdorimin e pajisjeve elektronike për të përmirësuar shëndetin e tyre. Ato gjithashtu nuk kanë kohën e duhur për të kryer aktivitetet që këto pajisje elektronike kërkojnë prej tyre, si përshembull vrapimi apo stërvitja e rregullt.

Problemi me kompanitë që krijojnë këto pajisje elektronike është se ato janë të fokusuar në shitjen e produkteve të tyre dhe i krijojnë këto produkte në varësi të nevojave të personave të pasur, pasi ato janë blerësit kryesorë të këtij produkti.

Wednesday, 17 November 2021 01:54

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo

 

 

Geek Room © 2019