November 30, 2021

Punonjësit në Blue Origin e përshkruajnë vendin e tyre të punës si "toksik" dhe "diskriminues"

Punonjësit në Blue Origin e përshkruajnë vendin e tyre të punës si "toksik" dhe "diskriminues"

21 punonjës dhe ish-punonjës në kompanië e turizmit hapësinor nën pronësinë e Jeff Bezos, Blue Origin, kanë publikuar një ese “mallkuese” ditën e enjte ku thojnë se kompania “bën një sy qorr për të mos parë seksizmin, nuk i ndjek në mënyrë korrekte problemet e sigurisë dhe tenton t’i mbyllë gojën të gjithë personave që mundohen të rregullojnë gabimet.”

Në këtë ese, ku ka kontribuar dhe ish drejtuesja e seksionit të komunikimit me punonjësit Alexandra Abrams, përshkruhen disa raste të ndryshme të sjelljeve seksiste dhe refuzuese nga drejtuesit meshkuj të cilët mbysin të gjitha kundërshtimet profesionale.

 

 

Punonjësit akuzojnë CEO-n e kompanisë, Bob Smith, se ka dekurajuar stafin që të mos ngrinin pyetje gjatë mbledhjeve të brendshme pasi kishte caktuar një person të shënonte emrat e të gjithë “ngatërrestarëve, siç i quante ai. “Rrethi i ngushtë i Bob Smith merr vendime të njëanshmë, shpesh herë pa dakordësinë e inxhinierëve ose ekspertëve të tjerë.” u shprehën punonjësit.

Në një intervistë për CBS, Abrams foli për herë të parë mbi këtë fenomen dhe tregoi se në 2019 ajo u pushua nga puna me arsyen se Bob nuk kishte më besim në të. Ajo shtoi gjithashtu: “Ti nuk mund të krijosh një kulturë sigurie dhe frike në të njejtën kohë.”

Friday, 01 October 2021 23:47 Last modified on Saturday, 02 October 2021 00:05

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo

Geek Room © 2019