Një gjykatës në Kolumbi ka përdorur ChatGPT për të marrë një vendim gjyqësor, dhe besohet se kjo është hera e parë që një vendim ligjor është marrë nëpërmjet ndihmës së inteligjencës artificiale.
Gjykatësi Juan Manuel Padilla Garcia, i cili përfaqëson gjykatën e shkallës së parë në Cartagena, tha se ka përdorur shërbimin AI për të marrë përgjigje mbi pyetjet që kishte rreth kësaj çështje, madje i ka përfshirë përgjigjet e gjeneruara në vendimin e tij, siç tregohet në dokumentet gjyqësore të publikuara në datën 30 janar 2023.
“Argumentet mbi këtë vendim do të merren duke përdorur dhe inteligjencën artificiale,” shkruajti Garcia në vendimin e tij. “Përfshirja e teksteve të gjeneruara nga AI nuk mundet absolutisht të zëvëndësojnë vendimin e gjykatësit. Ne po kërkojmë që të optimizojmë kohën e shpenzuar duke hartuar vendimet pas konfirmimit të informacionit të gjeneruar nga AI.”
Në këtë çështje gjyqësore po trajtohej një mosmarrëveshje midis kompanisë së sigurimeve shëndetësore dhe një fëmije autik mbi mbulimin e shumës së shpenzuar për trajtimin e sëmundjes së tij.
Pyetjet që iu bënë ChatGPT ishin të tipit: “A është një minoren autik i përjashtuar nga detyrimi i pagimit të faturave për terapinë e tij?”
Gjykatësi tregoi se AI u përdor në këtë rast për të zgjeruar argumentet pro vendimit të marrë.
