Ed Ball është një rikthyer në Amerikë pasi kaloi 10 ditë duke udhëtuar në Katar përgjatë Kupës së Botës. Mirëpo prania e tij po ndihet ende në këtë shtet.
Ball është krijuesi i Qatar Alcohol Map, një projekt të cilin e nisi më herët gjatë këtij viti për të ndihmuar fansat e tjerë të futbollit (dhe pijeve alkoolike) që të gjenin hapësirat e pakëta ku shërbehej alkool në Katar.
Në këtë hartë përfshihen rreth 200 restorante, bare dhe klube që shërbejnë alkool në kryeqytetin e Katarit, Doha. Në këtë hartë shfaqen gjithashtu detaje se cilat prej këtyre hapësirave është më pranë stadiumit apo stacioneve të trenit, në mënyrë që fansat të llogarisin sa më mirë kohën e tyre.
Ed Ball ka qenë një fans i futbollit gjatë gjithë jetës së tij dhe kur bëri planet së bashku me gruan e tij për të ndjekur nga afër Kupën e Botës 2022, i erdhi në mendje idea për zhvillimin e këtij projekti.
“Kam shpenzuar më tepër se 100 orë duke punuar në këtë projekt,” tha Ball në një intervistë. “Gjatë gjithë kohës isha duke rifreskuar këtë hartë, duke marrë sugjerime dhe duke përmirësuar këtë hartë.”
Deri më tani harta është parë më tepër se 1 milionë herë.
