Elon Musk konfirmoi ditën e premte se mesazhet që tregojnë se ai refuzoi një mundësi filantropike me Bill Gates janë të vërteta. Këto mesazhe u publikuan për herë të parë në Twitter nga një adresë e quajtur Whole Mars Catalog, i cili bëri tag në postim Musk duke e pyetur nëse kjo gjë ishte e vërtetë.
@elonmusk is this real lol
— Whole Mars Catalog (@WholeMarsBlog) April 22, 2022
Origjina e këtyre screenshot-eve nuk është bërë ende e ditur, mirëpo nga ngjyra e mesazheve duket sikur janë të ruajtura nga smartphone-i i Elon Musk. Në screenshot-in e parë lexohet një mesazh nga Gates i cili konfirmon ditën dhe orën e takimit, dhe Elon i përgjigjet thjesht “Great”.
Yeah, but I didn’t leak it to NYT. They must have got it through friends of friends.
I heard from multiple people at TED that Gates still had half billion short against Tesla, which is why I asked him, so it’s not exactly top secret.
— Elon Musk (@elonmusk) April 23, 2022
Një tjetër screenshot shihet pyetja e bërë nga Elon Musk drejt Gates: “A ke akoma një ‘short position’ prej gjysëm miliardë dollarësh kundër Tesla?”
Bill Gates i përgjigjet: “Më vjen keq të them që se kam shitur të gjithin akoma”, dhe më pas shton: “Do të dëshiroja të diskutonim rreth disa mundësive filantropike.”
Musk i përgjigjet: “Më vjen keq por un nuk mund të marr seriozisht filantropinë tëndë mbi ndryshimet klimatike kur ju keni një ‘short position’ kundër Tesla, kompanisë që po bën një punë shumë të madhe për të zgjidhur problemin e ndryshimit klimatik”.
“Short position” është termi i përdorur në rastet kur një investitor shet aksionet e marra për t’i riblerë më vonë ato pasi vlera e tyre në treg të ketë rënë. Pra, me pak fjalë Bill Gates “vuri bast” se vlera e aksioneve të Tesla do të ulej së shpejti. Kjo ishte arsyeja kryesore se përse Elon Musk nuk dëshironte të diskutonte me të.
