Coca-Cola, pija më e shitur jo-alkoolike në botë, ka rritur përdorimin e plastikës me 3,5% që nga viti 2019, sipas një kërkimi nga Ellen MacArthur Foundation. Kompania shet produktet e saja në më tepër se 200 shtete dhe regjistroi $10 miliardë fitime gjatë vitit të kaluar.
Të dhënat e reja të publikuara sollën reagimin e grupeve të ndryshme ambientaliste, duke përfshirë këty dhe Just Zero dhe Beyond Plastics, për të përjashtuar Coca-Cola si një sponsorizuese e COP27, samitit më të rëndësishëm mbi klimën që do të nisë nga dita e diel.
Për të justifikuar vendimet e tyre, organizuesit e konferencës cituan përpjekjet e Coca-Cola për të ulur emëtimin e gazeve nga fabrikat, duke duartrokitur kompaninë për planin e saj në uljen e emëtimeve deri në 0 globalisht në vitin 2050.
Megjithatë kjo gjë nuk mund të justifikojë faktin se vetëm në 2021 kompania prodhoi 3 milionë ton paketime plastike, ndërkohë që uli numrin e paketimeve të ripërdorshme me 1.3% nga viti i kaluar.
“COP27 supozohet të fokusohet në zgjidhje të ndryshme për të luftuar krizën katastrofale të klimës,” tha Judith Enck, drejtues i Beyond Plastic. “Ndërkohë ne po e lejojmë atë të jetë një skenë për reklamimin fals të korporatës.”
Çdo vit ne prodhojmë mbi 300 milionë ton mbetje plastike, dhe besohet se për momentin 40% e sipërfaqjes së oqeaneve në ditën e sotme është e mbuluar nga plastika.
