Nëse të kanë mbaruar serialet dhe po kërkon titullin e radhës për të shtyrë pasditet e ftohta e me shi, pse jo të shohësh katalogun e raportimeve të CIA mbi objektet fluturuese të padientifikuara.
Po, po pikërisht ajo CIA ka publikuar 50 vite dokumenta mbi gjithë anomalitë e regjistruara në vende të ndryshëm të globit. UFO: Fact or Fiction përmban dhjetra dokumente për fenomene të pashpjegueshme të objekteve fluturuese, parë nga sytë e shumë dëshmitarëve okularë nga fundi i viteve 1940 deri në fillimet e 1990-ës.
Ndër rastet më në zë aty përfshihet dëshmia e dy policëve lituanezë të cilët panë një objekt sferik që pluskonte në ajër rreth orës 12:30 të drekës. Pas 30 minutash ai largohet lart në qiell, në vendin e tij bari ishte i shtypur në një rreze 10 metra katror.
Ose një tjetër rast i raportuar në Antarktidë nga studiues argjentinas, kileanë dhe britanikë, për një objekt rrethor me drita të kuqe, jeshile dhe të verdha.
Mësohet se ky vendim erdhi pas një urdhri të qeverisë amerikane në dhjetor drejtuar gjithë angjensive të veta të inteligjencës për të publikuar gjithçka dinë rreth UFO brenda 6 muajve. Të tjera materiale mistike na presin.
