CEO i OpenAI, Sam Altman, bëri publike martesën me partnerin e tij, Oliver Mulherin. 38-vjeçari dhe Mulherin, një inxhinier softueri australian, shkëmbyen unazat të rrethuar nga palmat dhe një grup i vogël të ftuarish në një vend të pazbuluar ende në një plazh tropikal, siç shihet nga fotot që qarkullojnë në rrjetet sociale.
Vitin e kaluar, Altman u shoqërua nga Mulherin në një darkë në Shtëpinë e Bardhë për nder të kryeministrit Narendra Modi ku ishin të ftuar edhe drejtues të tjerë të teknologjisë si CEO i Google Sundar Pichai dhe CEO i Apple Tim Cook. Neë York Times kishte raportuar më herët se Altman dhe Oliver Mulherin bashkëjetonin në një shtëpi në Russian Hill në zemër të San Francisco. Por pas së premtes, ata u zhvendosen në një fermë në Napa, Kaliforni.
Gjatë një interviste për New York Magazine në shtator 2023, çifti zbuloi dëshirën për të krijuar një familje në të ardhmen e afërt. Mulherin, bashkëshorti i Altman, ndan kohën e tij mes San Franciskos dhe një ferme në Napa, Kaliforni.
Martesa vjen pas një periudhe shumë të vështirë për CEO-n e OpenAI, i cili u shkarkua nga ky pozicion dhe u rizgjodh përsëri brenda pak ditësh.
Kush është Oliver Mulherin?
Inxhinieri i softuerit Mulherin është një shtetas australian i diplomuar në Universitetin e Melburnit, sipas profilit të tij në LinkedIn. Mulherin ka ndjekur studimet në shkollën shkencore John Monash, nga viti 2011 – 2013, dhe më pas mori diplomën e tij Bachelor në shkenca kompjuterike nga Universiteti i Melburnit (2014 – 2016).
