Formula 1 dhe Apple Original Films kanë konfirmuar emrin e filmit të ri të bazuar në sportin e garimit, me aktorë si Brad Pitt dhe Damson Idris.
I titulluar F1, filmi do të drejtohet nga Joseph Kosinski dhe me producentë Jerry Bruckheimer, vetë Pitt dhe shtatë herë kampionin e Formula 1, Lewis Hamilton, ndër të tjerë. F1 do të dalë në kinema ndërkombëtarisht më 25 qershor të vitit 2025.
Pitt luan një ish-pilot të quajtur Sonny Hayes, i cili është joshur përsëri në sport për të qenë partner me pilotin e ri Joshua Pearce (të luajtur nga Damson Idris) në APXGP, një ekip imagjinar në këtë sport. Filmi është duke u xhiruar gjatë fundjavave aktuale të Çmimit të Madh, duke përfshirë Çmimin e Madh të Britanisë ndërsa ekipi konkurron kundër titanëve të sportit.
Kasti përfshin emra të njohur si Kerry Condon, Javier Bardem, Tobias Menzies, Sarah Niles, Kim Bodnia dhe Samson Kayo. Ndërkohë, ditën e sotme do të shikojmë këtë trailer të transmetuar në International Feed pak përpara Çmimit të Madh të Britanisë – duke u dhënë fansave një pamje të parë magjepsëse të këtij filmi.
