Bill Gates është rikthyer me një nga traditat e tij të përvitshme, duke rekomanduar tre nga librat më të mirë që lexoi në 2023 si rekomandime për dhuratat e festave. Në një postim të ri në blogun e tij në GatesNotes të hënën, bashkëthemeluesi i Microsoft ndau gjithashtu listën e tij me këngët e preferuara të festave, një shfaqje që i pëlqente në Netflix dhe një kurs online mbi ekonominë për ata që kërkojnë diçka për të parë ose dëgjuar.
Librat e rekomanduar:
- “The Song of the Cell,” nga Siddhartha Mukherjee: Gates thotë se libri që flet për qelizat e trupit të njeriut mund të na ndihmojë të kuptojmë më mirë se çfarë po ndodh gjatë kohëve të sëmundjes dhe të ndihemi optimistë se gjërat do të përmirësohen.
- “Not the End of the World,” nga Hannah Ritchie: Libri përdor të dhëna për të kundërshtuar skenarët e fundit të botës mbi klimën dhe tema të tjera mjedisore, pa lënë mënjanë sfidat.
- “Invention and Innovation,” nga Vaclav Smil: Autori shkruan se ne po jetojmë në një epokë që tregon “shenja të pagabueshme të ngadalësimit të përparimeve“. Gates thotë se nuk është dakord, edhe pse Smil nuk është aq optimist sa ai për perspektivat e inovacionit.
Kursi online i rekomanduar:
- Online economics lectures by Timothy Taylor: Gates e quan Taylor një nga profesorët e tij të preferuar dhe rekomandon të tre seritë e tij në Wondrium: “New Global Economy”, “Economics” dhe “Unexpected Economy”. Gates tha se ai i shikoi ato më shumë se një dekadë më parë dhe ende po ua rekomandon miqve dhe familjes sot.
Seriali televiziv:
- ” All the Light We Cannot See“, në Netflix. Gates e quajti librin të mahnitshëm dhe tha se seriali është po aq i mirë.
Playlist me muzikë:
- “Holiday Playlist 2023“, në Spotify. Gates thotë se sapo të fillojë Dita e Falënderimeve, ai është gati të ndryshojë zakonet e dëgjimit dhe të futet në frymën muzikore të festave. Në playlist përfshihen një përzierje e këngëve klasike dhe moderne nga e gjithë bota. Bob Dylan, Madonna, Stevie Wonder, Norah Jones, Bing Crosby, My Morning Jacket dhe Los Bitchos janë ndër artistët më të pranishëm.
