Bashkimi Evropian ka lejuar gjatë ditëve të fundit ofrimin e pluhurit të Acheta Domesticus, ose karkalecit, në tavolinat e konsumatorëve evropianë. Tashmë do të jetë e mundur që prodhuesit e ushqimeve të ofrojnë një pluhur me pak yndyrë të Acheta Domesticus në treg.
Komisioni Evropian pranoi aplikimin e prezantuar në vitin 2019 nga Cricket One Company. Pluhuri i karkalecave do të mund të përdoret tashmë në disa ushqime të ndryshme, duke përfshirë këtu dhe pica, brumëra të tjera, snacks, përgatitjet e mishit, supat, bukë, biskotat e shumë produkte të tjera.
Drita jeshile u dha nga opinion shkencor i shprehur nga European Food Safety Authority, e cila verifikoi dhe aprovoi sigurinë e këtij pluhuri.
EFSA ka aprovuar gjithashtu dhe proçesin e prodhimit të këtij pluhuri, ku përfshihet një periudhë 24 orëshe agjërimi për insektet para se ato të ngrihen, të lahen, të proçesohen termikisht, t’i merret vaji si dhe të transformohen në një pluhur të thatë.
Në datën 6 janar, përveç aprovimit të përdorimit të pluhurit të karkalecit, u aprovua dhe ofrimi i larvave të ngrira, të thara dhe në formë pluhuri i brumbujve Alphitobius diaperinus. Larvat e këtyre brumbujve janë studiuar nga EFSA të cilët kanë vërtetuar sigurinë e tyre, dhe pluhuri i brumbujve do të mund të përdoret dhe si një suplement ushqimor.
