Rrugët e Berlinit përjetuan një trafik jo të vërtetë në Google Maps, shërbimi i të cilit u gënjye nga Simon Weckert, një artist 30 vjeçar gjerman. Një nga opsionet më të përdorura të Maps bazohet mbi lëvizjen e përdoruesve në rrugë shpejtësia e lëvizjes së të cilëve njofton sistemin se ju jeni në një makinë dhe densiteti i shumë smartphonëve në një rrugë bën hartën të ndryshojë ngjyrë në bazë të trafikut.
Ky shërbim është gënjyer fare lehtë me një karrocë dhe 99 smartphone të ndezur mbi të. Weckert më pas ka shëtitur në rrugët e Berlinit dhe në kohë reale ka ndjekur se si hartat e Google Maps janë errësuar duke njoftuar për trafik të dendur në zonë.
Eksperimenti është regjistruar këtë verë, por artisti e ka publikuar atë dy ditë më parë në 15 vjetorin e Google Maps. Përmes tij, ai kërkon të sensibilizojë publikun mbi besimin e verbër që ne kemi ndaj teknologjisë.
Nga ana tjetër, Google shprehet se ndihet i lumtur që harta e tyre përdoret edhe per eksperimente artistike të cilat në fund të ditës i lënë kompanisë të shohi se teknologjia e saj ka vend për përmirësim.
