Një rrezik që nuk ishte menduar kurrë më parë po cënon sigurinë e punimeve të artit nëpër muze: vizitorët që bëjnë selfie. Kompania e sigurimeve Hiscox ka raportuar një tendencë të vizitorëve që bëjnë selfie që dëmtojnë piktura, objekte dhe instalime të vlefshme duke u përplasur me to.
Arti i bukur i ruajtur nëpër muze nuk duhet të preket me dorë, jo më nga një pjesë e trupit të njerëzve të pakujdesshëm që bëjnë selfie. Kreu i Hiscox, Robert Read, e quajti fenomenin “një pandemi selfie“, pasi pasojat po ndodhin në institucione të njohura të artit në të gjithë globin. Sado komik që mund të tingëllojë kërcënimi i selfieve, humbjet financiare – dhe dëmtimi i punës së paçmuar – janë tepër të larta.
Një përqindje çuditërisht e madhe e dëmtimeve të bëra ndaj veprave të artit nëpër muzetë e siguruar nga Hisox janë shkaktuar nga personat që bëjnë fotografi. Prandaj është e nevojshme të merren masa të reja mbrojtëse kundrejt “avancimeve teknologjike”.
Një person që shkrepi normalisht një selfie në vitin 2017 në galerinë pop-up Fabrika 14 në Los Anxhelos rrëzoi një instalacion, duke shkatërruar artin me vlerë $200,000– një incident i përjetësuar tani me termin Selfie Domino.
Kishte dhe një tjetër incident në vitin 2017 në të cilin një kungull i Yayoi Kusama në Muzeun Hirshhorn dhe Kopshtin e Skulpturave në Washington, D.C., u shkel nga një turist i cili u pengua duke bërë një selfie. Shumë vende nga Galeria e Artit Modern të Brisbane deri te Muzeu Britanik kanë ndaluar shkopinjtë e selfie.
Read shtoi se rritja e vandalizmit nga aktivistët ka përkeqësuar gjithashtu situatën, duke rritur nevojën për aplikimin e një niveli të ri sigurie, duke iu referuar aktivistëve të Just Stop Oil që hodhën supë me domate në Sunflowers të Van Gogh në Galerinë Kombëtare në Londër. Për fat të mirë, vepra ikonë ishte e mbrojtur nga xhami.
