Nëse ju po hasni dhimbje të trupit, kryesisht dhimbje të shpinës apo mesit, me shumë mundësi ju po qëndroni në një pozicion të gabuar ndërkohë që jeni ulur në tavolinë. Më poshtë ne do të tregojmë se cilat janë 6 gabimet më të shpeshta që ne bëjmë kur qëndrojmë ulur dhe se zgjidhjen e mundshme të tyre.
Kryqëzimi i këmbëve
Dhe pse duket si një pozicion tepër i rehatshëm, kryqëzimi i këmbëve është një veprim i gabuar, pasi ushtrohet më tepër presion në pjesën fundore të shpinës dhe në ije. Mënyra më e mirë e të qëndruarit është me të dyja këmbët të shtrira në sipërfaqje.
Qëndrimi ulur për një kohë shumë të gjatë
Dhe në qoftë se ju qëndroni në një pozicion të mirë gjatë uljes, muskujt tuaj do të fillojnë të tensionohen nëse ju qëndroni ulur për shumë gjatë. Prandaj është e rëndësishme të bëni pushime çdo 30 minuta për të lëvizur, mjafton dhe thjesht një ecje pak minutëshe.
Kërrusja mbi tavolinë
Shumica e njerëzve e dinë se kërrusja mbi tavolinë është një pozicion tepër i dëmshëm për shpinën tuaj. Kur ju kërruseni, ushtroni shumë presion mbi shpinën dhe qafën tuaj. Për të zgjidhur këtë problem, vendoseni karrigen në një kënd midis 90-120 gradëve, në mënyrë që ju të uleni drejt ose oak të shtrirë nga pas.
Përkulja e kokës para
Shpesh herë kur ju fokusoheni në diçka tentoni të përkulni kokën para, duke shkaktuar dhimbje të qafës. Koka e humanëve është disi e rëndë, dhe në këtë mënyrë lodh muskujt tuaj të qafës. Mënyra më e thjeshtë për të zgjidhur këtë problem është mbështetja në karrige, duke shplodhur kështu muskujt e shpinës dhe qafës.
Vendosja e monitorit në një pozicion jo të duhur
Pozicionimi i monitorit mund të ketë një ndikim tepër të madh në dhimbjen tuaj të qafës ose shpinës. Ju duhet të poziciononi monitorin tuaj 50-75 cm larg syve, në një largësi pothuajse sa krahu juaj.
Qëndrimi ulur në karrige jo ergonomike
Një ndër problemet kryesore në dhimbjet e shpinës është dhe qëndrimi në karrige që nuk janë ergonomike për periudha të gjata. Karriget ergonomike ofrojnë një mbështetje të plotë për të gjithë trupin tuaj, pasi ju mund të rregulloni çdo pjesë të saj për ta përshtatur me preferencat tuaja.
