Steve Jobs mund të mos jetë më fizikisht pranë nesh, megjithatë intervistat dhe fjalimet e tij do të jenë gjithnjë të pranishme.
Pas më tepër se një dekade nga vdekja e tij, publiku do të mund të aksesojë disa momente nga punët e brendshme të themeluesit të Apple. The Steve Jobs Archive do të publikojë ditën e martë “Make Something Wonderful: Steve Jobs In His Own Words”, një koleksion dixhital ku gjenden fjalimet, intervistat dhe biseda të ndryshme të tij. Jobs ndërroi jetë në vitin 2012 nga kanceri i pankreasit, në moshën 56 vjeçare.
Idea e krijimit të këtij libri është që të “inspirojë lexuesit që të krijojnë gjërat e tyre të mrekullueshme që do ta çojnë botën para”.
“Në faqjet e këtij libri, Steve shpërndan nga pikëpamja e tij fëmijërinë, lançimin e Apple, kohën që kaloi në Pixcar dhe NeXT si dhe rikthehet përfundimisht për të folur për kompaninë që nisi gjithçka.” lexohet në publikimin e bërë nga The Steve Jobs Archive.
Washington Post tregon se në këtë libër do të gjenden dhe imazhe që nuk janë shfaqur kurrë më parë në publik, si dhe një përshkrim nga gruaja e tij, Laurene Powell Jobs.
Laurene tregoi për WP se ideja ishte që lexuesit të mësonin më tepër rreth Steve Jobs nga vetë ai: “Ai është përshkruar nga shumë persona të ndryshëm, mirëpo në këtë libër ju do të mësoni më tepër rreth Steve Jobs nga fjalët dhe puna e tij, pra nuk ka një ndërmjetës.”
