Një kompani si Xiaomi, mjaft e besuar në publik dhe personalisht e preferuara e shkruesit të këtij artikulli nuk mundej të mos sillte surpriza si kjo për 10 vjetor.
Jo nuk e kemi fjalën për TV e tejdukshëm, ajo nuk është dhuratë, ajo është një hap përpara për njerzimin, po flasim për Ninebot GoKart Pro Lamborghini Edition.
Po, GoKarti elektrik i Xiaomi do të sjellë një version zyrtar në bashkpunim me Lambon. Ai do të ketë të verdhën ikonike “Giallo Orion” si dhe stickerat dhe logot klasike.
Në përgjithësi do të marrë një pamje edhe më prej makine garash, me një bisht sportiv, timonin e vogël dhe sediljen e rimodeluar. Ky edicion do të marrë fenerët LED “Ice Lake Blue” dhe një sistem audio për të rikrijuar zhurmën e motorrit të një Lamborghini.
Rrotat e bëra me porosi duhet të sjellin lehtësi për drift.
Ninebot GoKart Pro ka një bateri prej 432Wh dhe një shpejtësi maksimale prej 40kmh.
Edicioni Lamborghini u lançua ditën e djeshme në Kinë për 9,999 Yuan ose 1,215€.
