Si për të imponuar instiktin dhe agresivitetin e duhur shumë makina janë emërtuar pas kafshëve, ama në mënyrë që ta meritosh atë emër duhet që edhe ligjet e design-it të saj të jenë të tilla.
600LT më e fundit nga McLaren ka marrë emrin e një merimange helmuese: Segestria florentina. Nuk jemi ekspertë arachnid, dhe me thënë të drejtën jo fort fansa të asaj familje kafshësh ndaj Google-oje vetë më mirë ose kliko këtu.
Spider Segestria Borealis ka marrë kujdes të veçantë nga Mclaren për ti ngjarë sa më shumë kafshëzës me trup të zi iridescent dhe dhëmbë të shndritshëm jeshil.
Ngjyra e përdorur për këtë automjet është Borealis Black, një e zezë veçantë e cila shfaq reflektime blu, jeshile dhe lejla. Shiritat jeshil përshkojnë trupin duke imituar dhëmbët. Si dhe pasqyrat dhe anësoret e bishtit kanë një motiv rrjete merimange të verdhë goxha sportiv.
Interiori klinik i McLaren kësaj radhe vjen i mbuluar me Alcantara të qepur me fije jeshile dhe thekse të veçanta aty këtu. Sediljet janë prej fibrash karboni ultra të lehta dhe me motivin e rrjetës prezent gjithashtu. I finalizuar nga sistemi audio nga Bowers & Wilkins.
Performanca mbetet e njejtë, pra 592 kuaj fuqi nga motorri V8 Biturbo i cili e shigjeton këtë merimangë nga 0 në 100 kmh për vetëm 2.8 sec.
Vetëm 12 shembuj janë prodhuar, të cilat janë porositur që tani.
Spider Spider kushton $275,500 vetëm $19,000 më shumë se standarti.
