Gjatë kohëve të fundit kemi dëgjuar shumë persona që janë ankuar për heqjen e butonave në makinat e reja, duke i zëvëndësuar ato tërësisht me ekranin me prekje. Me sa duket, kjo ankesë nuk është e kotë pasi dhe studimet kanë vërtetuar se prania e butonave në makinë është një alternativë më e mirë se ajo e ekranit me prekje.
Vi Bilägare, një revistë makinash në Suedi ka bërë disa kërkime për përdorimin e butonave dhe ekranit me prekje në makinat moderne. Gjatë këtij testi ekipi testoi ndërfaqjet e përdoruesit në 11 makina ët ndryshme që janë aktualisht në treg. Në këto modele përfshiheshin BMW iX, Tesla Model 3, Dacia Sandero dhe një Volvo 17 vjeçare V70.
Gjatë testimit ato i kërkuan drejtuesve të kryenin disa ndryshime në stacionet e radios apo kontrollet e kondicionerit. Në secilin rast, makina po drejtohej në një shpejtësi prej 110km/h, dhe kërkuesit matën kohën që i nevojitej drejtuesit për të kryer një veprim. Sigurisht rezultatet mund t’i merrni me mend.
Volvo 17 vjeçare V70 ishte makina më e thjeshtë për t’u kontrolluar, pasi për çdo veprim ekziston një buton i caktuar. Volvos iu nevojitën vetëm 300 metra për të plotësuar ndryshimet e kërkuara.
Makinat si BMW iX dhe Tesla Model 3, të cilat kanë ekrane të mëdha me prekje nuk arritën dot të kontrolloheshin në të njejtën kohë si Volvo V70, dhe iu deshën rreth 900 metra për të plotësuar ndryshimet e kërkuara.
