Vanarama, një person i cili merret me dhënien e makinave me qera, ka zhvilluar disa renders shumë të detajuara të Apple Car duke u bazuar në patentimet e vërteta nga Apple. Shumë lajme kanë qarkulluar kohëve të fundit rreth makinës së parë nga Apple, sidomos gjatë vitit të kaluar ku u përfol se kjo makinë mund të vijë në treg që në vitin 2024.
Bashkëpunimi midis prodhuesit të makinave elektrike Fisker dhe prodhuesit të iPhone-ve Foxconn i shtoi dhe më tepër këto dyshime.
Vanarama nuk ka asnjë lidhje me Apple dhe këto renders janë thjesht të krijuara bazuar në patentimet reale dhe imagjinatën e tij. Zakonisht patentimet nuk tregojnë gjithmonë pamjen përfundimtare të produktit që do të dalë në treg, mirëpo përmes tyre mund të kuptojmë një pamje të përgjithshme.
Apple Car duket sikur është e inspiruar nga Hyundai Ioniq 5 EV. Pjesa e jashtme e makinës është tërësisht e spekuluar nga Vanarama pasi nuk ka aktualisht asnjë patentim në lidhje me të.
Një shërbim që është marrë nga një patentim i vitit 2019 është mungesa e ndarjes në pjesët anësore midis derës së parme dhe asaj të pasme. Kjo gjë e dobëson strukturën e makinave në rast përplasjeje, mirëpo Apple detajon disa mënyra se si do të shtojë suportin diagonal.
Në pjesën e brendshme mund të vëmë re një ekran gjigand që shtrihet në të gjithë dashboard-in i cili ka të integruar Siri-n.
