Imazhet e bëra leak nga versioni më i ri i Android Auto tregojnë se Google është inspiruar disi nga CarPlay i Apple në ridizenjimin e shërbimit. AndroidWorld dhe u/RegionRat91 treguan se ridizenjimi me emrin e koduar “Coolwalk” mund të vijë me disa ndryshime mjaft praktike.
Dizajni i ri eliminon status bar, i cili tregon informacione rreth baterisë së smartphone-it, valëve dhe orës, dhe i vendos këto informacione në cepin e poshtëm të djathtë të ekranit. Në krahun e majtë të ekranit gjendet një home button që shfaq disa widgets kur mbahet shtypur.
Në mënyrë të ngjashme me CarPlay, ndërfaqja e re mund t’ju lejojë të shikoni hartën ndërkohë që keni të hapur dhe aplikacionin e muzikës. Më parë ju duhet të zgjidhnit se cili prej dy aplikacioneve do të zinte faqjen kryesore, pasi 2 aplikacione nuk mund të hapeshin njëkohësisht.
AndroidWorld vë në dukje dhe një shërbim të ri i cili ju lejon të shmangni telefonatat dhe t’i përgjigjeni atyre me një mesazh përmes klikimit të një butoni. Nuk është ende e qartë nëse ky mesazh do të jetë i përgatitur më parë apo do të gjenerohet përmes Google Assistant.
Ndërfaqja e re do të bëjë të mundur dhe transmetimin e ekranit të smartphone-it tuaj në atë të makinës, megjithëse janë ngritur pyetje mbi funksionalitetin e këtij shërbimi.
