Krejt ironike të shohësh se si pikërisht pikat më të forta të produktit tënd të të kthehen kundra. Shpejtësia dhe efikasiteti me të cilin sistemet e autopilotimit reagojnë ndaj shenjave të rrugës, mund të përdoret fare lehtë nga hackera të billboardeve elektronike ose këmbësorë keqdashës.
Kërkues të Ben Gurion University of the Negev në Israel kanë treguar se mjafton të hackosh një tabelë elektronike dhe të shfaqësh aty një shenjë qarkullimi rrugor, qoftë edhe për disa fraksione sekondash, dhe fare lehtë mund të çoroditësh sistemin e pilotimit automatik. Në varësi të shenjës makona do të reagojë si të ishte një tabelë legjitime.
E njejta gjë edhe nëse një këmbësor vendos të bëjë një shaka dhe mban në dorë një tabelë qarkullimi me një funksion të caktuar. Sistemi i autopilotimit është i shumë i shpejtë në reagim, ndaj edhe mund të bëjë veprime të befasishme që mund të rezultojnë në fatalitete.
Universiteti Izraelit shfaqi një tabelë “Stop” për vetëm 0.43 sekonda gjatë një reklame të McDonalds dhe Tesla Model X i përdorur në eksperiment u ndal menjëherë.
Rezultatet u janë komunikuar Tesla dhe kompanive të tjera. Këshilla e studiuesve është që të integrojnë në kodin e sistemeve të tyre aftësi njohëse, dalluese të shenjave të qënësishme dhe atyre që qëndrojnë për vetëm pak.
