Lucid pretendon se ka arritur një efikasitet të jashtëzakonshëm prej 8km për kilovat-orë në makinën e re elektrike Air Pure 2025, duke e bërë atë një nga automjetet më efikase në energji të prodhuar ndonjëherë.
Kur të fillojë dërgesat, Lucid tha se do të arrijë një rekord prej 74,8 km/l dhe një autonomi të vlerësuar nga EPA prej 675 km. Air Pure është modeli më i përballueshëm i Lucid që fillon nga $69,900. Për modelin e ti, bateria u reduktua paksa në madhësi nga 88 kWh në 84 kWh.
Ai përfshin gjithashtu teknologjinë e re të e ngrohjes së baterisë për të luftuar motin e ftohtë, e cila u përfshi fillimisht me modelin “Sapphire” prej $249,000 të kompanisë dhe më vonë iu shtua modeleve Touring dhe Grand Touring.
Lucid po rrezikon duke menduar që blerësit e makinave elektrike luksoze mendojnë po aq për specifikat abstrakte, si efikasiteti dhe km/l, sa edhe për veçoritë premium më të besueshme, si sediljet prej lëkure dhe sistemi i shtrenjtë i audios.
Megjithatë ky rekord i arritur nga Lucid Air Pure për sa i përket efikasitetit mund të jetë jetëshkurtër pasi prodhuesit e tjerë të automjeteve luksoze si Mercedes-Benz po zhvillojnë gjithashtu makinat e tyre elektrike hiper-efikase. Konceptet si Vision EQXX kanë një efikasitet prej 13 km për kWh.
Ekziston gjithashtu një njësi kontrolli e gjeneratës së re me fuqi përpunuese “të trefishtë” dhe memorie dy herë më të madhe se modelet e mëparshme, duke premtuar performancë dhe reagim më të shpejtë të sistemit infotainment.
