Shtatë herë kampioni i Formula 1, Lewis Hamilton, iu bashkua Ferrarit përpara sezonit 2025 me shpresën për të zgjeruar më tej rekordet e tij për fitoret totale, pole-postion dhe kampionatet.
Megjithatë pas bashkimin me këtë ekip historik ai mund të ketë planifikuar diçka tjetër interesante: Hamilton gjithashtu me sa duket dëshiron të dizenjojë një Ferrari, dhe nëse ndodh, mund të jetë makina e re më emocionuese e Maranellos në vite.
Këtë ide Hamilton e sugjeroi para Motorsport gjatë fundjavës së Çmimit të Madh Australian. Megjithatë, kjo bisedë e shkurtër nuk përmend nëse Ferrari është ende në të vërtetë dakord me këtë ide. Por, Hamilton thotë se ai dëshiron që makina të quhet “F44” (sipas numrit të tij prej kohësh në F1) dhe se ai dëshiron të inspirohet nga “një F40, me transmisionin manual origjinal “.
Është një ëndërr ambicioze, veçanërisht sepse Ferrari nuk ka shitur një makinë me transmision manual që nga viti 2012. Supermakinat manuale janë një gjë e rrallë, por prodhuesit si Pagani dhe Gordon Murray Automotive ende prodhojnë opsione me tre pedale. Një Ferrari i ri manual do të ishte një investim serioz, por lidhja e Lewis Hamilton me programin mund të jetë e mjaftueshme për të ndihmuar Ferrarin të kompensojë kostot.
