Kia ka prezantuar makinën më të re Niro, një model i gjeneratës së ardhshme që demonstron progresin e shpejtë të kompanisë drejt shndërrimit në një ofrues global të lëvizshmërisë së qëndrueshme. Si një pjesë thelbësore e linjës miqësore me mjedisin të Kia, Niro është projektuar nga themelet për të plotësuar nevojat komplekse të klientëve të saj.
Bazuar në platformën e gjeneratës së tretë, Niro i ri përfiton nga një trup më i madh që ofron hapësirën më të madhe të brendshme në kategorinë e tij. Materialet e cilësisë së parë dhe miqësore me mjedisin kombinohen për të krijuar një ndjesi minimaliste-avangarde; një hapësirë e lëvizshme në të cilën klientët mund të relaksohen dhe të shijojnë çdo fazë të udhëtimit tyre.
Në zemër të modeleve të reja miqësore me mjedisin të NIro qëndrojnë tre opsione të sistemeve të grupit të fuqisë, hibrid elektrik (HEV), plug-in hibrid (PHEV) dhe elektrike me bateri (BEV). Modelet PHEV dhe BEV do të zbulohen në një datë të mëvonshme.
Motori tepër efiçient Smartstream 1.6 litër GDI që vjen me ftohje, fërkim dhe djegie të përmirësuar ndihmon në fuqizimin e modelit HEV. Ky motor siguron një efiçiencë tepër konkuruese të konsumit të karburantit, duke bërë që Niro HEV të përshkojë 20.8 km/L (bazuar në standardin korean).
“Modeli i ri Kia Niro përshtatet me hapin e rradhës në udhëtimin tonë drejt shndërrimit në një ofrues global të lëvizshmërisë së qëndrueshme.” tha Artur Martins, ish zëvëndës president dhe drejtues i Divizionit të Eksperiencës së Klientëve në Kia Corporation. “Që në fillim qëllimi ynë ishte të krijonim një makinë që e bën më të thjeshtë për njerëzit praktikimin e një stili jete të qëndrueshme. Me materialet miqësore me mjedisin, teknologjinë e avancuar dhe autonomi tepër efiçente të grupit të fuqisë, Niro e re i arriti të gjitha qëllimet.”
Kia Niro ofron një dizajn dinamik të inspiruar nga filozofia “Opposites United”, dhe specifikisht nga “Joy for Reason”. Profili anësor i makinës kombinon linjat e pastra me Aero C-Pillar, një formë tepër e dallueshme e cila ka një funksion të rëndësishëm aerodinamik pasi ajri kalon nga poshtë, duke përmirësuar kështu nivelet e përgjithshme të efiçiencës. Këto masa të ndërmarra kanë ndihmuar në arritjen e një koeficienti të tërheqjes tepër mbresëlënës prej 0.29.
Në pjesën e brendshme të makinës Niro përdor një dizajn që kënaq të gjitha shqisat, me materiale të cilësisë së lartë dhe sipërfaqjet me thurje pëlhure. I vendosur midis dy vijave diagonale gjendet një ekran dixhital high definition 10.25 inç që ka të integruar grupin e instrumenteve dhe shërbimet e sistemit infotainment në një paketë të vetme. Aplikacioni për smartphone Kia Connect lejon përdoruesit të ndërlidhen me makinën e tyre nga larg, ndërkohë që përmes Valet Mode përdoruesit mund të monitorojnë makinën e tyre kur ajo po përdoret nga një tjetër drejtues.
Niro e gjeneratës së dytë ofron 9 ngjyra të ndryshme të pjesës së jashtme: Cityscape Green, Snow White Pearl, Aurora Black Pearl, Mineral Blue, Interstellar Gray, Orange Delight, Runway Red dhe Steel Gray.
