Kia ka zhvilluar në bashkëpunim me krijuesit e famshëm në TikTok, Ghetto Trio, disa video inovative me temë “gaming” për të prezantuar shërbimet kryesore të modelit tërësisht elektrik Kia EV6 GT drejt gjeneratës së re tepër të aftë në video-lojra. Video tashmë mund të gjendet në kanalin e TikTok të Ghetto Trio (@dem_bruddaz).
Ky filmim ndjek temën “Mission: Find Your Friends” dhe përfshin lëvizjet tepër tërheqëse të Ghetto Trio të ngjashme me karakteret në video-lojra. Videot virale deri më tani kanë grumbulluar më tepër se 33 milionë shikime dhe kanë bërë trendin “video-lojrat në jetën reale” akoma dhe më viral.
Në video karakteri kryesor mund të shikohet ndërkohë që mundohet të përfundojë misionin e lojës duke drejtuar një EV6 GT dhe duke përdorur shërbimet e veçanta të kësaj makine – duke përfshirë këtu Remote Smart Parking Assist dhe mundësinë për të karikuar pajisje të jashtme. Pamjet e bëjnë shikuesin të mendohet nëse kjo është një video reale apo një video-lojë, falë dhe aftësive koreografike të Ghetto Trio.
@dem_bruddaz Mission passed! #kia #EV6GT ♬ CITY OF ANGELS – ALMIGHTY WATCHING
“Kjo fushatë e re po ndihmon Kia dhe EV6 GT të ndërlidhet me gjeneratën e re të konsumatorëve,” tregon David Hilbert, drejtues i marketingut në Kia Europe. “Është e rëndësishme të kuptohet dhe respektohen preferencat kulturore të audiencës që ne po i drejtohemi, prandaj ne shmangëm një prezantim të fokusuar mbi kompaninë. Ne po eksplorojmë një stil kreativ që e dimë se do të arrijë pranë shumë përdoruesve. Gjithashtu, EV6 GT është integruar në përmbajtje në një mënyrë argëtuese dhe kreative; pasi shndërrohet në një tjetër karakter që ndjek misionin, duke u përfshirë mjaft mirë në histori.”
Makina e re tërësisht elektrike dhe me zero emëtime, EV6 GT, është makina më e fuqishme që Kia ka prodhuar ndonjëherë, falë 2 motorëve elektrikë që prodhojnë 585 kuajfuqi. Kjo makinë është e bazuar në platformën Electric Global Modular të Kia, e dizenjuar për të akomoduar fuqinë e konsiderueshme elektrike të makinës.
Për më tëepër informacione rreth kësaj makine klikoni këtu.
