November 27, 2020

Volvo përdor teknologjinë e video games për të sjellë makina më të sigurta

Vlerëso këtë lajm
(2 votes)
Volvo përdor teknologjinë e video games për të sjellë makina më të sigurta

Dedikimi i Volvos për inovacion në siguri është tashmë më se i ditur në komunitet. Fushe e cila kërkon teste e teste pafund. 

Në vend të manekinëve, kompania suedeze ka vendosur që kësaj radhe të përdorë njerzit. Jo, nuk jemi bërë ende kavie laboratori. Sistemi i prezantuar nga Volvo përfshin një setup aparatesh të afta për të sjellë një realitet virual të përzjerë, shoqëruar ky edhe nga reagimi fizik. Një stimulator i skenareve nga më të ndryshëm për të ofruar këndvështrime të reja në teknologjinë autonome dhe sigurinë në automjet.

Sedilja e lëvizshme, timoni me reagim dhe syzet VR me rezolucion të çmendur të fuqizuara nga platforma e zhvillimit 3D të Unity dhe finlandezët e Varjo, shoqërohen nga një kostum Teslasuit për të dhënë ndjesitë e duhura dhe studiuar reagimin e trupit njëkohësisht. 

Volvo Cars “ultimate driving simulator” uses latest gaming technology to develop safer cars

 

Të gjitha këto kombinuar së bashku, lejojnë vozitjen e makinave reale në kushte e rrugë reale. Benefiti i të qënit digjitale është padyshim aftësia për të performuar teste gati si në jetë me rrezik zero për jetën e testuesit. 

Përdoruesit do i shfaqen grafika 3D dhe pista të detajuara, modele të ardhshme e aktuale makinash, skenare të ndryshëm trafiku dhe ndërfaqje automjetesh autonome.

Volvo Cars “ultimate driving simulator” uses latest gaming technology to develop safer cars

 

Inxhinierët nga ana tjetër mund të mbledhin të dhëna të rëndësishme në kohë reale, duke kuptuar kështu çfarë ndodh me shoferin, si përshtatet ai dhe si mund të reflektohet kjo në automjete më të sigurta e të rehatshme nesër. 

Volvo Cars "Ultimate Driving Stimulator" u demonstrua ditën e djeshme gjatë një eventi live nga ambientet e Volvo Open Innovation Arena. Një përmbledhje të tij e gjen këtu:

Thursday, 19 November 2020 14:33 Last modified on Thursday, 19 November 2020 15:32

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Ermir Jonka
Xhonald Mamo