Si një SUV i vogël që bën gjëra të mëdha karakteristike të Volvos, makina e re elektrike EX30 është dizenjuar për të qenë po aq e sigurtë sa ç’pritej nga një Volvo. Ajo është dizenjuar për të patur një emëtim sa më të vogël të CO2, më të voglin në një makinë të prodhuar nga Volvo deri më tani, duke i bërë jetët e njerëzve më të sigurta, më të përshtatshme dhe më argëtuese përmes teknologjisë më të fundit dhe dizajnit skandinav.
E prezantuar gjatë ditës së sotme në Milano, Itali EX30 është SUV-i i parë premium me madhësi të vogël që zgjeron linjën e produkteve tërësisht elektrike të Volvo. Me zhvillimin e shpejtë të tregut drejt elektrifikimit total, EX30 do të ndihmojë kompaninë që të përshtatet me kërkesën gjithnjë e në rritje për makina elektrike në një segment që po rritet dita-ditës.
Dhe çmimi i kësaj makine është mjaft tërheqës, i cili nis nga €36,000, dhe i ofron klientëve një makinë premium tërësisht elektrike me një çmim të ngjashëm me makinat që fuqizohen nga motorët me djegie të brendshme.
“EX30 tërësisht elektrik do të jetë SUV-i më i vogël i joni, por tepër i rëndësishëm për klientët dhe ne si një kompani,” tha Jim Rowan, CEO i Volvo. “Ne dëshirojmë të themi se EX30 është i vogël por i fuqishëm, pasi sjell pranë klientëve gjithçka që ata do të dëshironin nga një Volvo, por në një hapësirë më të vogël. Njësoj si çdo Volvo, është një produkt i mrekullueshëm i cili është i sigurt dhe është dizenjuar duke patur në mendje nevojat e njerëzve.”
EX30 përmban të gjitha vlerat e dizajnit të Volvo duke i sjellë ato në një format më të vogël, si përshembull baza e gjatë e gomave, goma të mëdha si dhe parakolpe simetrike të cilat rafinojnë dizajnin e jashtëm dhe sjellin balancë në këtë makinë. Ajo mund të dallohet qartësisht që është një makinë elektrike, me një pamje plot besim dhe me dritat e inspiruara nga çekani i Thor. Makina do të vijë në 5 ngjyra të ndryshme, duke nisur këtu nga Cloud Blue plot stil e deri tek Moss Yellow, e inspiruar nga likenet e rritura në shkëmbe përgjatë vijës bregdetare suedeze. Për t’i dhënë karakter dhe personalitet.
Teknologji baterie që i përshtatet nevojave tuaja
Nëse ju e shpenzoni shumicën e ditës në qytet ose udhëtoni distance të shkurtra, Volvo ofron një makinë me një motor me bateri LFP (Standard range battery), prodhimi i së cilës ka një kosto më të vogël dhe përdor më pak resurse të rralla, duke e bërë këtë opsion më të mirin për ju nëse nuk keni nevojë për një autonomi maksimale.
Nëse ju preferoni autonominë maksimale, Volvo ofron dhe një variant me një motor Extended Range me bateri NMC e përbërë nga litiumi, nikeli, mangani dhe kobalti, duke prodhuar energji në mënyrë më efiçiente se varianti LFP. Ky motor Extended Range ju ofron autonomi deri në 480km me një karikim të plotë.
Nëse performanca është prioriteti juaj, zgjidhni modelin Twin Motor Performance në të cilin bateria NMC mbështetet nga një motor elektrik dytësor. Ky model vjen me teknologjinë AWD, ka 438 kuajfuqi dhe arrin shpejtësinë 0-100km/h në vetëm 3.6 sekonda, duke e bërë makinën Volvo me nisjen më të shpejtë.
Varianti extended range i Twin Motor ka aftësinë për t’u karikuar në 153kW, ndërkohë që makina standarde mund të karikohet në 134kW. Kjo gjë tregon se makina juaj do të karikohet nga 20-80% në vetëm 25 minuta.
Një proçes prodhimi që çliron më pak karbon, me një impakt të lartë në siguri
EX30 është dizenjuar për të patur kontributin më të vogël në emëtimin e CO2 nga të gjitha makinat e tjera Volvo të prodhuara deri më sot, dhe përfaqëson një hap të rëndësishëm para drejt ambicieve të kompanisë. Duke ulur emëtimet e Co2 në të gjithë linjën e prodhimit, duke marrë këtu në konsideratë dhe materialet e përdorura, Volvo arriti të ulte emëtimet totale të karbonit për 200,000 km nën 30 ton.
EX30 është dizenjuar gjithashtu që të jetë po aq e sigurtë sa ç’pritet nga një makinë Volvo dhe ka si qëllim të kujdeset për ju dhe pasagjerët në ambiente urbane plot tension. Për shembull, makina ofron një shërbim të veçantë sigurie për biçikletat që ju ndihmon të parandaloni aksidentet nga hapja e derës, duke ju paralajmëruar kur hapni derën para një çiklisti.
Teknologjia mbrojtëse e Volvo ilustron më tej se si janë aplikuar standardet e larta të sigurisë në SUV-in e vogël. Kjo makinë ka një dizajn kualitativ dhe aftësi kontrolluese të stabilitetit të makinës që përmbush të gjitha ambiciet e Volvo në ludhje me sigurinë, të cilat janë dizenjuara për të përgatitur makinën për rastet që mund të ndodhin në botën reale.
EX30 dëshiron ta bëjë jetën tuaj më të përshtatshme, më relaksuese dhe më argëtuese përmes teknologjisë më të avancuar dhe dizajnit të brendshëm skandinav. Volvo EX30 është makina e parë e gjeneratës së re që përfshin shërbimin Park Pilot Assist, i cili do të kërkojë për vende të lira parkimi përreth jush dhe do të parkojë makinën në vendin që ju dëshironi.
Një ndjesi qetësie
Sigurisht që EX30 do të vijë me një funksionalitet dixhital që është i përshtatshëm për ju dhe e bën më të thjeshtë të ndani makinën me të tjerët. Teknologjia e ndërtuar në bazë të standardeve UWB dhe CCC do të jetë e aksesueshme nga një numër i gjërë smartphone-sh dhe kompanish të ndryshme.
Aplikacioni i dedikuar i makinës përmban të gjithë informacionet që ju dëshironi, duke nisur nga niveli i baterisë e deri tek gjetja e makinës në një vend parkimi të madh, kyçja e tij dhe ngrohja në një ditë të ftohtë dimri. EX30 do të pajiset gjithashtu me software updates, duke e përmirësuar makinën me kalimin e kohës.
Udhëtoni përreth rrethinave plot stil
Duke nisur nga viti i ardhshëm, Volvo EX30 do të vijë me një variant Cross Country. Porositë do të fillojnë të regjistrohen në vitin 2024, ndërkohë që prodhimi do të nisë më vonë gjatë atij viti.
Kjo makinë do të jetë e përshtatshme për të gjithë personat që dëshirojnë të shkojnë në aventura me makinat e tyre.
