Aston Martin DB5 e mbushur me pajisje të ndryshme, e cila mori pjesë në dy filmat e James Bond (Goldfinger dhe Thunderball) u vodh në vitin 1997 dhe vendndodhja aktuale e tij ka qenë jo e ditur deri më sot. Fatmirësisht një detektiv i sendeve të vjedhura, pasi hetoi mbi ngjarjen beson se makina e famshme mund të gjendet në Lindjen e Mesme.
Fillimisht kjo makinë u ble në ankand në vitin 1986 për $275,000 nga një zhvillues i pasurive të paluajtshme, Anthony Pugliese. Mirëpo Aston Martin DB5 i cili ishte i siguruar me vlerën $4.2 milionë u zhduk nga hangari në aeroportin Boca Raton në Florida.
CEO i Art Recovery International, Christopher A. Marinello tregoi për Fox News se ai beson se makina e vjedhur e James Bond është tashmë pjesë e një koleksioni prej 4,000 makinash në Lindjen e Mesme. Kohët e fundit ai kishte marrë informacione të detajuara rreth një DB5 që e bëri atë të mendojë se kjo është makina e vërtetë.
Megjithatë detektivi tha se nuk po akuzon mbajtësin e makinës si një hajdut ose si blerës me vetëdije i një makine të vjedhur. “Këto njerëz blejnë shumë gjëra luksoze, shumicën e herëve pa bërë studimet e nevojshme, dhe kur zbulojnë se diçka është e vjedhur ato mendojnë se janë mbi ligjin dhe se ky nuk është problemi i tyre.” tha detektivi.
