Siç edhe pritej, projekti për një makinë Apple ka nevojë për bashkëpunim edhe me palë të tjera me eksperiencë të konsiderueshme në tregun e automjeteve. Tek e fundit eksperienca e saj me bateritë dhe software janë minimale krahasuar me çfarë nevojitet për të transportuar jetë njeriu mbi katër rrota dhe në mënyrë autonome.
Dhe mesa duket kompania amerikane di të zgjedhë sepse për partner besohet se mund të jetë gjigandi Hyundai.
Gjatë një interviste për The Korea Economic Daily një përfaqësues i kompanisë ka thënë ” Dimë se Apple është në bisedime me një varietet prodhuesisht automjetesh, përfshi Hyundai Motor. Por ndërsa diskutimet janë në fazat e para endee asgjë nuk është vendosur.“
Padyshim kjo nuk zbardh shumë, por vetë fakti që një kompani si Hyundai është në tavolinë do të thotë shumë. Kompania Koreano Jugore është për momentin në ditët e saja më të ndritura, jo vetëm për shifra shitjeje shumë të suksesshme por edhe për drejtimin që sektori i saj i inovacionit teknologjik po sjell. Kujtojmë këtu që së fundmi kompania bleu Boston Dynamics, ekspertiza e këtyre të fundit në robotikë dhe pajisje autonome pritet të jetë revolucionare me t’u implementuar në sektorin e automjeteve të Hyndai.
Projekti i Apple për një makinë elektrike dhe automatike, nuk ka pasur një rrugë konstante. Ai u lajmërua fillimisht në 2014, u rikonsiderua në 2016 dhe më pas në 2019 ndaloi plotësisht. Vetëm kohët e fundit zërat filluan të rizgjohen teksa detaje për një produkt të mundshëm në 2024 po dalin sa vjen e më shpesh. Deklarata e mësipërme i shton më shumë pretendimet.
