“Volvo Cars Tech Moment” sapo na prezantoi me mënyrën se si gjigandi suedez sheh të ardhmen e automobilizmit. Synimi për të patur një flotë 100% elektrike nga viti 2030 nuk mund te vijë i pa shoqëruar nga risi teknologjike të cilat ngrenë në nivel tjetër eksperiencën në timon, argëtimin në sediljen e pasagjerit dhe mbi të gjitha sigurinë në rruge. Për këtë, Volvo na prezanton 6 risi të cilat do t’i zbulojmë në të ardhmen e afërt.
1. Volvo Concept Recharge është një manifestim i së ardhmes tërësisht elektrike të Volvo
Për makinat Volvo, elektrifikimi është një gjë tepër e rëndësishme. Ajo përfaqëson modelin e ri në dizajnin e makinave duke ruajtur trashëgiminë Skandinave. Duke zëvëndësuar motorin me djegie të brendshme me bateritë, është bërë e mundur ofrimi i hapësirës më të madhe brenda makinës.
2. Volvo Cars dhe Google vazhdojnë bashkëpunimin për gjeneratën e re të eksperiencës së përdoruesit
Në gjeneratën e ardhshme tërësisht elektrike të Volvo Cars, klientët do të përfitojnë një makinë e cila përmirësohet dita-ditës dhe ofron një eksperiencë mjaft të thjeshtë përdorimi, që nga hipja në makinë e deri në kontrollimin e tij përmes smartphone-it. Volvo Car Group është prodhuesi i parë i makinave që prezanton sistemin infotainment të fuqizuar nga Android Automotive OS me Google Assistant, Maps dhe Play të përfshira në të.
3. Volvo do të fokusohet në karikimin e shpejtë dhe rritjen e autonomisë për makinat elektrike
Kompania është gjithnjë duke zhvilluar teknologji të reja në bateritë e përdorura në makinat elektrike për t’i siguruar përdoruesve një udhëtim të pandërprerë falë autonomisë më të madhe dhe shpejtësisë së lartë të karikimit të baterive. Në mesin e kësaj dekade, Volvo planifikon të përmirësojë akoma më tepër autonominë dhe të integrojë bateritë në dyshemenë e makinës për të rritur efiçiencën e saj.
4. Makinat e së ardhmes do të përdorin sistemin operativ të Volvos
Volvo ka vendosur që të zhvillojë një sistem operativ për të gjithë makinat që ajo ofron të quajtur VolvoCars.OS. Bashkë me update-imet OTA përdoruesit do të përmirësojnë makinën e tyre me kalimin e kohës.
5. Volvo do të shfrytëzojë të gjitha të dhënat e grumbulluara për të përmirësuar sigurinë në rrugë
Gjenerata e re e makinave Volvo do të jetë më e sigurta e prodhuar ndonjëherë, falë niveleve të jashtëzakonshme të software dhe hardware. Kompania ka përdorur të dhënat e grumbulluara nga situatat në jetën reale për të zhvilluar teknologji që parandalon aksidentet në rrugë.
6. Volvo Cars prezanton hapat drejt teknologjisë të së ardhmes
Për të arritur rezultatet më pozitive në ruajtjen e sigurisë në rrugë, Volvo do të bashkëpunojë me Luminar, Northvolt dhe NVIDIA për të krijuar pajisje që do të grumbullojnë të dhëna reale gjatë drejtimit të automjetit. Në këtë mënyrë Volvo do të përmirësojë fleksibilitetin dhe të përshpejtojë ofrimin e shërbimeve të reja përmes update-eve OTA.
