Luajtja e videove në YouTube do të jetë e mundur në të gjitha makinat Volvo me Google të integruar, gjë që reflekton vazhdimësinë e partneritetit midis Volvo Cars dhe Google.
YouTube do të jetë platforma e parë video që do të përfshihet dhe do të mund të shkarkohet në të gjitha makinat Volvo në Google Play. Kur ju të jeni duke udhëtuar me makinën tuaj elektrike, do t’ju duhet të bëni një ndalesë për të karikuar makinën, dhe me aftësinë e Volvo për të luajtur video në makinë ju mund të prisni që makina të karikohet ndërkohë që argëtoheni me videon më të fundit nga krijuesi juaj i preferuar. Gjithashtu pritja deri në momentin që shoku juaj të vijë do të bëhet më e pëlqyeshme.
Megjithatë, Volvo asnjëherë nuk komprementon sigurinë dhe do të lejojë që videot të luhen vetëm kur makina është në një ndalesë të plotë.
“Duke lejuar përdoruesit e makinave Volvo të shikojnë video ndërkohë që karikojnë makinën e tyre ose kur presin që fëmijët të dalin nga shkolla ne kemi si synim të përmirësojmë jetët e tyre dhe t’i bëjmë më të kënaqshme. Me YouTube dhe shërbime të tjera që pritet të na bashkohen së shpejti, klientët do ta shijojnë kohën e karikimit të makinës në vend që të mërziten, duke lehtësuar disi ndjesitë e klientëve.” tha Henrik Green, zyrtar i lartë i produktit në Volvo Cars.
Partneriteti midis Volvo Car Group dhe Google nisi kur Volvo lajmëroi se do të ishte kompania e parë që do të integronte një sistem infotainment të fuqizuar nga Android me aplikacionet Google të përfshira.
Bashkë me aftësinë e luajtjes së videove, Volvo dhe Google tregojnë se klientët do të mund të shkarkojnë aplikacione navigimi si Sygic apo Flitsmeister, aplikacione për karikimin si Chargepoint dhe Plugshare, dhe apps për parkimin si SpotHero dhe ParkWhiz në vendet ku është e mundur.
Ky integrim me pajisjet që përdorin Google Assistant dhe prezantimi i YouTube bën që të gjitha makinat Volvo të sillen si një shtesë e ambientit jetues të drejtuesit të makinës.
Kombinuar me një sistem audioje që mund të rivalizojë shumë home set-ups dhe natyrën e qetë të interiorit të Volvos – një ambient i mbyllur që ofron reduktimin e zhurmave dhe ndenjëse të rehatshme – makina mund të shërbejë si një hapësirë ekstra personale pa shqetësime.
Për sa kohë që Volvo Cars ofron internet pa limit, klientët mund të shikojnë YouTube për sa kohë të dëshirojnë.
