YouTube ka vendosur të dënojë të gjithë përmbajtjet kundër vaksinimit që publikohen në këtë platformë, duke përfshirë këtu dhe keqinformimin rreth vaksinave të aprovuara dhe të përdorura para se të shfaqej pandemia e COVID-19.
YouTube, nën pronësinë e Google, do të fshijë të gjitha videot që tentojnë të përshkruajnë se vaksinat që janë të aprovuara nga zyrtarët federal janë të dëmshme, siç thuhet në postimin më të fundit në blog. Këtu përfshihen të gjitha përmbajtjet që tregojnë në mënyrë të gabuar se vaksinat shkaktojnë autizëm, kancer, infertilitet ose lejojnë që marrësi të kontrollohet nga një mikroçip.
Më parë YouTube ka dënuar informacionet e gabuara rreth koronavirusit dhe vaksinave që nga tetori i 2020. Kompania tha se do të lejojë diskutimin rreth politikave të vaksinës dhe personave që reklamojnë marrjen e vaksinës.
Një zëdhënës i YouTube ka konfirmuar gjithashtu se do të fshijë të gjithë adresat e personave të njohur për qëndrimet e tyre kundër vaksinave si Robert F. Kennedy Jr., djali i ish-presidentit John F. Kennedy, dhe aktivisti anti-vaksinë Joseph Mercola.
“Zhvillimi i politikave të fuqishme merr një kohë të konsiderueshme” tha Matt Halprin, zëvëndës president i sigurisë globale në YouTube. “Ne dëshirojmë që të ndjekim politika që janë gjithëpërfshirëse, të cilat me konsistencë arrijnë të kryejnë detyrën e tyre.”
