WhatsApp ka konfirmuar se mbështetja në disa pajisje të ndryshme do t’i shtohet versionit beta të aplikacionit, duke i lejuar përdoruesit të aksesojnë adresën e tyre në 4 pajisje të ndryshme. Ky lajm erdhi në një intervistë midis WABetaInfo, Mark Zuckerberg dhe Will Cathcart.
Cathcart nuk i konfirmoi raportimet se WhatsApp po punon për publikimin e një versioni të këtij aplikacioni për iPad, por tha se mbështetja në pajisje të ndryshme do të krijojë mundësinë e përdorimit në iPad.
Bashkë me multi-device support, Zuckerberg konfirmoi se aplikacioni do të shtonte një shërbim “View Once”, i cili do t’i lejojë përdoruesit të dërgojnë përmbajtje e cila fshihet pasi është shikuar një herë. Platforma po shton funksionin e shërbimit disappearing messages, duke ju lejuar të aktivizoni shërbimin në të gjithë chat threads. Megjithatë, WhatsApp nuk foli për datën e lançimit të këtyre shërbimeve, të cilët me shume mundesi se do të përfshihen në versionin beta pas një ose dy muajsh.
CEO i Facebook tha se multi-device support nuk do të rrezikojë sigurinë end-to-end encryption që WhatsApp ofron për mesazhet që dërgohen midis personave.
