Shërbimi më i ri në WhatsApp bën të mundur për të gjithë përdoruesit që të shpërndajnë fotografi me miqtë e tyre në një cilësi HD në vend të atyre me cilësi të ulët që shpërndanim zakonisht.
Versioni më i fundit i WhatsApp në Android ka shtuar një shërbim të ri që do të kufizojë sasinë e kompresimit që aplikacioni bën në një foto përpara se të ngarkohet dhe dërgohet, dhe një gjë e tillë u bë e ditur nga vetë Mark Zuckerberg në Meta broadcast. Shërbimi i ri nuk është një opsion që mund të aktivizohet nga settings brenda aplikacionit, por mund të aktivizohet në secilën fotografi që ju dëshironi të dërgoni.
Kur dërgoni një foto në WhatsApp, një buton i ri “HD” do të shfaqet në krye të ndërfaqjes së modifikimit të fotografisë. Prekja e këtij shërbimi ka 2 opsione. Përdoruesi mund të zgjedhë ta lërë imazhin në “cilësinë standarde” të paracaktuar ose mund të sigurojë që imazhi të ruajë rezolucionin e tij me “cilësi HD”.
Rezultati përfundimtar është një imazh me madhësi të plotë që përmban shumë më tepër të dhëna. Pasi të dërgohet, çdo pamje paraprake e imazhit do të përmbajë një etiketë të vogël “HD” që i lejon dërguesit/marrësit të kuptojnë se imazhi në bisedë është HD.
Funksioni në dukje ishte i kufizuar vetëm për fotot në versionin beta, megjithatë, duket se opsioni po vjen edhe në video. Imazhet e reja HD të WhatsApp do të shpërndahen për përdoruesit e Android dhe iOS gjatë javëve të ardhshme dhe do t’i lejojnë ata të rregullojnë dërgimin e imazheve bazuar në një sërë faktorësh, si shpejtësia e internetit dhe konsumi i të dhënave.
